Саха сиринээҕи ЫБММ иһитиннэрбитинэн.

Саха сиринээҕи ЫБММ иһитиннэрбитинэн, ахсынньы 12 күнүгэр Дьаҥхаады нэһилиэгин аннынан Өлүөнэ өрүскэ тыраахтар түһэн икки киһи өлүүлээх быһылаан таҕыста.

Силиэстийэлиир суһал бөлөх быһаарбытынан бу миэстэҕэ муус халыҥа 15 см эрэ тэҥнэһэр.



Муус уйуга халыҥыттан тутулуктааҕа биллэр.

Бүгүҥҥү күҥҥэ, ахсынньы 13 күнүн туругунан, өрүһү туоруурга «Хатас-Павловскай» эрэ хайысханан 3 туоннаҕа диэри уйуктаах тиэхиникэлэргэ көҥүл бэриллэн турар. Манан муус халыҥа 35-80 см.

Көҥүллэнэ илик өрүс суолугар массыына мууска тахсыыта бэлиэтэннэҕинэ

Саха сирин административнай кодексынан эппиэтинэскэ тардыллар.

Ыстараап кээмэйэ:

чааһынай дьоҥҥо 3 000 - 5 000 солк.,

дуоһунастаах сирэйдэргэ 20 000 - 50 000 солк.,

юридическай сирэйдэргэ 100 000 - 1 мөл. солк. тиийэ ыстараап олохтонуон сөп.

Ытыктабыллаах улууспут олохтоохторо!

Көҥүлэ суох сиринэн өрүскэ киирии булгуччу бобулларын санатабыт.

Бэйэҕит уонна атын дьон олоҕун харыстааҥ, эппиэтинэстээх буолуҥ!

Мэҥэ Хаҥалас улууһун дьаһалтатын пресс-сулууспата