СӨ ИДЭЛЭЭХ СОЙУУҺУН ФЕДЕРАЦИЯТА БИҺИГИ УЛУУСПУТУГАР ҮЛЭЛЭЭТЭ

СӨ ИДЭЛЭЭХ СОЙУУҺУН ФЕДЕРАЦИЯТА БИҺИГИ УЛУУСПУТУГАР ҮЛЭЛЭЭТЭ

Олунньу 5-6 күннэригэр СӨ Идэлээх сойууһун федерациятын эппиэттээх сирэйдэрэ биһиги улууспутугар үлэ хаамыытынан тахсан хамнас төлөнүүтүн тула спорт, үөрэҕирии, култуура эйгэлэригэр тэрилтэлэри талан бэрэбиэркэни ыыттылар.

Үлэ-хамнас хайдах барарын билсэ

В.П. Ларионов аатынан Майа орто оскуолатыгар,

Хорообут орто оскуолатыгар, Аллараа Бэстээххэ 1 нүөмэрдээх оскуолаҕа, В.П. Уваров аатынан Олимпийскай эрэллэр оскуолатыгар,

Дьабыыл, Аллараа Бэстээх култуура кииннэригэр, Майатааҕы оҕо ускуустубатын оскуолатыгар сырыттылар.

Ыытыллыбыт үлэ түмүгүнэн бүгүн, олунньу 6 күнүгэр, улуус дьаһалтатын мунньахтыыр саалатыгар салалта, салалаталар салайааччыларын, идэлээх сойуустарын бэрэссэдээтэллэрин кытта сүбэ мунньах ыытылынна.

Мунньаҕы улуус баһылыгын социальнай уонна имиджевэй бэлиитикэҕэ солбуйааччы Альбина Григорьева иилээн-саҕалаан ыытта.

Сүрүн дакылааты Саха сирин Идэлээх сойууһун федерациятын бэрэссэдээтэлэ Николай Дегтярев туруорда.

Биһиги улууспут өттүттэн үөрэҕирии салалтатын салайааччыта Гаврил Толстяков, үөрэҕирии идэлээх сойууһун бэрэссэдээтэлэ Иннокентий Скрябин,

култуура салалтатын салайааччыта Анна Исакова, култуура идэлээх сойууһун бэрэссэдээтэлэ Эмма Павлова,

физическэй култуура уонна спорт салалтатын салайааччыта Алексей Попов, идэлээх сойууһун бэрэссэдээтэлэ Андриан Захаров,

улуус экэниэмикэҕэ сайдыытын салалтатын исписэлииһэ Лилия Игнатьева кыттыыны ыллылар.

Мунньах хаамыытынан СӨ Идэлээх сойууһун федерациятын үлэ уонна социальнай салаа салайааччыта Леонид Дырахов улууспутугар хамнас төлөнүүтүгэр быйылгы үлэ алын кээмэйэ бэриллиитин бэрэбиэркэ түмүгүн билиһиннэрдэ, салгыы инникигэ ыытыллыахтаах үлэҕэ соруктары сырдатта.

Мэҥэ Хаҥалас улууһун дьаһалтатын пресс-сулууспата