Төҥүлү нэһилиэгин иннигэр улуус салалтатын сыллааҕы үлэтин сырдатыы мунньаҕар дьон көхтөөхтүк кэллэ.

Төҥүлү нэһилиэгин иннигэр улуус салалтатын сыллааҕы үлэтин сырдатыы мунньаҕар дьон көхтөөхтүк кэллэ.

Үөрүүлээх быһыыга Прасковья Валериевна, Станислав Андреевич Птицыннарга тохсунньу бастакы күнүгэр үһүс оҕолоро күн сирин көрбүтүнэн Ил Дархан олохтообут "Үйэ оҕото" хапытаалын, ону тэҥэ регионнааҕы Ийэ хапытаалын туоһу суруктара туттарылынна. Туоһу суруктары ыал эбэтэ Птицына Наталья Николаевна тутта.

Улуус баһылыга Дмитрий Тихонов отчуотун 96 олохтоох иһиттэ,

кэпсэтиигэ ыйытыыларын биэрэн көхтөөхтүк кыттыстылар, нэһилиэк, улуус сайдыытыгар суолталаах этиилэрин, ыйытыыларын киллэрдилэр.

Ол курдук:

-Бороҕоҥҥо барар суол аспаалланарын,

-Оскуола саҥа интернат дьиэтин итиэннэ 20-тэн 30 миэстэҕэ диэри элбэтэри,

-Саҥа спорт саалатын,

-"Хаарбах туруктаах дьиэлэртэн дьону көһөрүү" бырагырааманан Төҥүлүгэ элбэх кыбартыыралаах саҥа таас дьиэ киирэрин, муоста тутуутугар улуус өттүттэн көмө көрүллүүтүн,

-Техникум материальнай-техническэй базатын саҥардыыны, саҥа таас эбийиэгэ тутулларын туруорсаллар.

Ыйытыылартан:

-Тыа хаһаайыстыбатын эйгэтигэр пилотнай бырагыраамаларга кыттыы хайдаҕын,

-Уһуйааннарга туустаах хос арыллалларын,

-Төҥүлү иһинэн ааһар трассаҕа суол бэлиэлэрин,

-Балыыһа дьиэтин өрөмүөннээһини,

-уот-гаас төлөбүрүгэр биэнсийэлээхтэргэ тоҕо чэпчэтии суоҕун,

-үлэ лааҕырдарын элбэтиини,

-эргэ остуолбалары уларытыыны,

-Муусука оскуолатын дьиэтин тутуллуутун быһаарыыны.

Отчуоту истибит Төҥүлү олохтоохторо улууспутугар араас хайысхалаах үлэлэр ыытыллалларын бэлиэтээтилэр, инникитин даҕаны таһаарыылаах үлэни баҕардылар.

Мэҥэ Хаҥалас улууһун дьаһалтатын пресс-сулууспата