Уйгу-быйаҥ сайын туран отчуттар өлгөм күөх быйаҥы сомсоллор.

Уйгу-быйаҥ сайын туран отчуттар өлгөм күөх быйаҥы сомсоллор.

От үлэтин хаамыытын туһунан улуус тыа хаһаайыстыбатын салалтатын салайааччыта Иннокентий Семенов иһитиннэрдэ:

- Былаан быһыытынан кыстыкка киирэргэ улууспут үрдүнэн 44 015 туонна от оттонуохтаах.

Күн бүгүн 41 635 туонна от оттонно, былааммытын 94,6 % толорон иһэбит.

Охсуллубут ходуһабыт иэнэ 42 272 гектарга тэҥнэстэ.

Уопсайа 52 000 гектар сирдээх эбит буоллахпытына мантан 10 000 гектар сир өссө оттоно илик.

Майа сэлиэнньэтэ, Баатара, Ороссолуода нэһилиэктэрэ оттоон бүттүлэр.

14 нэһилиэк былаанын аһара толордо.

412 туонна сиилэһи Тумул хаһаайыстыбата уган бэлэмнээтэ. Былаан быһыытынан 2100 туоннаны угуохтаахпыт.

Сенаһы 160 туоннаны бэлэмнээтибит. Былаан быһыытынан 250 туоннаны угуохтаахпыт.

Бурдук хомууругар киирдэххэ,

үлэни Майаҕа – Афанасий Борисов, Доллуга – «Тумул» хаһаайыстыбалара,

Төҥүлүгэ - "ГБУ Служба Земледелия" тэрилтэ көхтөөхтүк саҕалаатылар.

Билиҥҥи кэм туругунан 203 гектар сиргэ бурдук хомулунна ол эбэтэр 218 туоннаны хомуйдубут. Биирдии га-ттан 10,7-лии центнер ыла сылдьабыт.

Күн-дьыл этэҥҥэ туран биэрдэҕинэ, бу өрөбүллэргэ эбии хаһаайыстыбаларбыт хомуурга киириэхтээхтэр.

Мэҥэ Хаҥалас улууһун дьаһалтатын пресс-сулууспата