ҮЛЭ КӨРДӨНӨР, ТЫА ХАҺААЙЫСТЫБАТЫНАН ДЬАРЫКТАНАР ДЬОҤҤО СОЦИАЛЬНАЙ ХАНТЫРААК ӨҤӨТӨ КӨРҮЛЛЭР

ҮЛЭ КӨРДӨНӨР, ТЫА ХАҺААЙЫСТЫБАТЫНАН ДЬАРЫКТАНАР ДЬОҤҤО СОЦИАЛЬНАЙ ХАНТЫРААК ӨҤӨТӨ КӨРҮЛЛЭР

Судаарыстыба өттүттэн нэһилиэнньэ чөл туруктаах, дьарыктаах, дохуоттаах буоларыгар тустаах болҕомто ууруллар.

Бу боппуруоһу быһаарыыга биир көдьүүстээх үлэнэн социальнай хантыраак өҥөтө буолар.

Бэйэ дьыалатын тэриниигэ, үлэ көрдөнөр дьоҥҥо, кэтэх хаһаайыстыбанан дьарыктанааччыларга, инбэлиит дьоҥҥо, аҕам саастаахтарга, уустук балаһыанньаҕа түбэспиттэргэ сыллата квота көрүллэн тыырыллар.

Быйылгы дьылга биһиги улууспутугар үлэ көрдөнөөччүлэргэ, ону тэҥэ оҕолоох дьиэ кэргэттэргэ кэтэх хаһаайыстыбатынан дьарыктаныыга аһаҕас квоталар баалларын биллэрэбит

Ол курдук, кэтэх хаһаайыстыбатынан дьарыктанар, эбэтэр тэриниэн баҕалаах оҕолоох дьиэ кэргэттэргэ 500 000 солкуобайга диэри,

үлэ көрдөнөөччүлэргэ 354 986 солкуобайга диэри көмө көрүллүөн сөп.

Хантыраак түһэриллэр сүрүн усулуобуйатынан тиийинэн олоруу алын кээмэйигэр тиийбэт дохуот көрдөрүүтэ буолар.

Үлэ көрдөнөөччүлэр ирдэнэр усулуобуйаны барытын толорбут, ол эбэтэр СӨ олорор, олорор дьиэтин, дьиэ кэргэнин, дохуодун көрдөрбүт, ханна да үлэлээбэт, урбаанньыт, байыаннай, устудьуон буолбатах, үлэтэ суоҕунан учуокка турбат буоллаҕына, социальнай хантыраак хамыыһыйатын аастаҕына 24 925 солкуобай бэриллэр, салгыы үөрэххэ киирэр буоллаҕына үс ый устата 12 462,5 солкуобай стипендия көрүллэр, төлөбүрдээх үөрэххэ 30 000 солкуобайга диэри төлөнөр, үлэҕэ киирбитин кэнниттэн үс ый устата 24 925 солкуобайдыы бэриллэр, үлэ биэрээччигэ ороскуотун сабарга 62 632,71 солкуобай көрүллэр.

Кыттыыны ылыан баҕалаахтары олохтоох дьаһалтаҕыт нөҥүө докумуоҥҥутун туттаран хамыыһыйа көрүүтүгэр ыҥырабыт.

Мэҥэ Хаҥалас улууһун дьаһалтатын пресс-сулууспата