ҮЛЭ ХАРЫСТАБЫЛЫГАР АНАЛЛААХ ҮӨРЭХ ЫЫТЫЛЫННА

ҮЛЭ ХАРЫСТАБЫЛЫГАР АНАЛЛААХ ҮӨРЭХ ЫЫТЫЛЫННА

Алтынньы 4-5 күннэригэр улуустааҕы урбааны сайыннарар киин дьиэтигэр үлэ харыстабылыгар аналлаах үөрэх ыытылынна.

Дьокуускайдааҕы техническай информация киинэ «Үлэ харыстабыла», «Үлэ харыстабылынан инструктаж ыытыы», «Бастакы көмөнү оҥоруу», «Баһаартан куттала суох буолуу», «Үрдүк кылаастаах кутталлаах үлэни тэрийии», «Биирдиилээн көмүскэнэр ньымалары туттуу (туһаныы)» хайысхаларынан миэстэтигэр тахсан үөрэхтээһини ыытта.

Ону тэҥэ «Айылҕаҕа эбэтэр техногеннай майгылаах ыксаллаах быһыы үөскүүр түгэнигэр гражданскай оборона уонна көмүскэллээх буолуу», «Терроризмы утары куттала суох буолуу», «Коррупцияны утары куттала суох буолуу» диэн хайысхалар дистанционнай көрүҥүнэн бардылар.

Баҕалаах үлэһиттэр, улууспут тэрилтэлэрин салайааччылара толору билиини ылан үөрэҕи ааспыттарын дастабырыанньа туттулар.

Мэҥэ Хаҥалас улууһун дьаһалтатын пресс-сулууспата