Если Вы стали свидетелем аварии, пожара, необычного погодного явления, провала дороги или прорыва теплотрассы, сообщите об этом в ленте народных новостей. Загружайте фотографии через специальную форму.
Рекламный баннер 990x90px header-top
Рекламный баннер 728x90px center-top
УЛУУС БАҺЫЛЫГЫН НЭДИЭЛЭТЭЭҔИ ПЛАНЕРКАТА
Саҥа нэдиэлэ тэрээһиннэрэ:
- Кулун тутар 15 күнэ - Өҥөнү туһанааччылар бүтүн аан дойдутааҕы күннэрэ
- Кулун тутар 15 күнүгэр улуустааҕы сылгыһыттар күрэхтэрэ
- Кулун тутар 17 күнүгэр улуустааҕы Аҕа күрэҕэ
- Кулун тутар 15 күнүттэн оскуола үөрэнээччилэригэр уйулҕа ыйын саҕаланыыта
Саҥа үлэ нэдиэлэтин планеркатын улуус быһылыгын 1-кы солбуйааччы Василий Михайлов салайан ыытта.
Планерка саҕаланыытыгар ааспыт нэдиэлэ түмүктэрин иһитиннэриигэ улуус салалтатын өттүттэн өрөспүүбүлүкэ бырабыыталыстыбатыгар, СӨ тырааныспар, промышленность уонна геология министиэристибэлэригэр ыытыллыбыт мунньахтарга кыттыыны ылан, муус устар 27 күнүттэн "Аллараа Бэстээх-Чурапчы" хайысханан автобус сырыыта саҕаланарыгар, өрүс биэрэгин Аллараа Бэстээх өттүн бөҕөргөтүүгэ, Газпром тэрилтэ ыытар үлэтигэр Майа уонна Нөөрүктээйи икки ардыгар Моҕотой суолугар, Аллараа Бэстээх тырааныспар уонна таһаҕас харайар терминалга ыытар үлэтигэр сир боппуруоһун быһаарыыга кэккэ тэрээһин үлэлэрэ, кэпсэтиилэр ыытылла туралларын кэпсээтэ.
Салгыы туһааннаах тэрилтэлэр иһитиннэриилэрэ:
-Ис дьыала министиэристибэтин Мэҥэ Хаҥаластааҕы отдела (начаалынньык солбуйааччыта Данилов С.П.)
Ааспыт нэдиэлэ устата улууспутугар 68 быһылаан бэлиэтэннэ: 10 быһылаан тырааныспар эйгэтигэр, 22 быһылаан эт-хаан эчэйиитигэр, 1 олохтон барыы түбэлтэтэ. Нэдиэлэ устата 28 административнай боротокуол толорулунна, ол иһигэр 17 киһиэхэ итирик туруктаах сылдьыы иһин, төрөппүт эбээһинэһин ситэри толорботох 5 төрөппүккэ. Суолга, айаҥҥа куттал суох буолуутун иитинэн барыта 765 тимир көлө бэрэбиэркэлэннэ. Барыта 21 киһи ДНД-га үлэлэстилэр.
Бу иһитиннэрии түмүгүнэн баһылыгы солбуйааччы Василий Михайлов бөһүөлэктэн өрүскэ киирии суол кытыытыгар суол саахала чаастатык тахсарын ыйан туран, биричиинэтин чуолкайдыырга, бу хатыламматын туһугар болҕомтоҕо ылан, тустаах тэрилтэлэри кытта үлэни күүһүрдэргэ оройуоннааҕы Ис Дьыала отделыгар, ону тэҥэ Суол хаһаайыстыбатын салаатыгар сорудахтаата.
- Баһаары утары сулууспа (салайааччы: Павлов Спартак Анатольевич)
Ааспыт нэдиэлэ устата Хара нэһилиэгэр 1 уот туруутун түбэлтэтэ суһаллык биллриллэн, тутуу уоттан быыһанна. Сыл саҥатыттан улуус үрдүнэн 8 баһаар түбэлтэтэ бэлиэтэнэр. Бу көрдөрүү ааспыт сыл устата 6 тэҥнэһэр этэ.
- Роспотребнадзор тэрилтэтэ (сал. Павлов А.С.)
Кулун тутар 15 күнүгэр өҥөнү туһанааччылар бүтүн Аан дойдутааҕы күннэрэ бэлиэтэниэҕэ.
Оскуола саастаах оҕолор сайыҥҥы сынньалаҥнарын кэмигэр үлэ, сынньалаҥ лааҕырдарын тэрийиигэ анал хамыыһыйа үлэлиир, улуус баһылыгын дьаһала таҕыста.
- Улуустааҕы кииннэммит балыыһа (кылаабынай быраас Павлов А.А.) иһитиннэриитинэн, ааспыт нэдиэлэ устата 9 киһи хамсык дьаҥынан ыалдьыбыт. Күн бүгүн 10 киһи эмтэниини ааһар.
- Дьиэ-уот хомунаалынай хаһаайыстыба улуустааҕы филиала (сал. Яковлев И.Э.)
Чох тиэйиитин-таһыытын былааннаммыт үлэтэ салҕанар. Бүгүҥҥү күҥҥэ 23 тыһыынча туонна тиэлиннэ, бу сыллааҕы былаан 74% ылар.
Халлаан сылыйан нэһилиэктэринэн биирдиилээн хочуолунайдарга былааннаммыт өрөмүөн үлэлэрэ саҕаланнылар.
- Оройуоннааҕы уот ситимин тэрилтэтэ (сал. Оконешников С.С.)
Ааспыт нэдиэлэ устата уот ситимигэр саахал 1 түбэлтэтэ таҕыста, сөргүтүү үлэтэ тутатына ыытыллан, боппуруос быһаарылынна. Үүммүт нэдиэлэҕэ былааннаммыт өрөмүөн үлэтин иитинэн, кулун тутар 14-15 күннэригэр Төхтүр-Томтор, кулун тутар 16-17 күннэригэр Майа уот ситимигэр быстах кэмҥэ уот арахсыыта буолуоҕа.
- Улуустааҕы үөрэҕирии салалтата (начаалынньык солбуйааччыта Захаров А.В.)
Кулун тутар 15 күнүттэн муус устар 15 күнүгэр диэри оскуола үөрэнээччилэригэр анаан уйулҕа ыйа биллэриллиэҕэ.
Күн бүгүн оскуола 339 оҕото, оҕо уһуйаанын 245 иитиллээччитэ дьаҥынан ыалдьан олороллоро бэлиэтэнэр.
Манна баһылыгы солбуйааччы сааскы кэмҥэ ириэһининэн суолга сэрэхтээх буолууга, дьиэлэр, тутуулар кырыыһаларытттан хаар түһүүтүн кэмэ саҕаламмытынан уһуйаан, оскуола үөрэнээччилэригэр сэрэтии, өйдөтүү үлэтин ыытар наадатын санатта.
- Улуустааҕы тыа хаһаайыстыбатын салалтата ( нач. Семенов И.Е.)
Кыстык эриэ-дэхси баран иһэр, быйылгы дьылга хаар халыҥ буолан кыра күчүмэҕэйдэри көрсүү биирдиилээн түгэннэрэ баар.
-Сүөһү, сылгы иитэр хаһаайыстыбаларга көрүллэр субсидия харчытын төлөбүрэ быйыл хойутаата. Хаһаайыстыбалар хамнаска да буоллун, от тиэйиитигэр, уматык ылыытыгар онтон да атын тэрээһиннэргэ уустуктары көрсүүлэрэ бэлиэтэнэр.
-Тыа хаһаайыстыбатыгар туһуламмыт улуус баһылыгын Граныгар кыттар бырайыактары истиигэ 10 нэһилиэк кыттыыны ылар. Гран кыайыылаахтарынан Догдоҥо уонна Дьабыыл нэһилиэктэрэ буоллулар.
- От таһыытыгар диэн өрөспүүбүлүкэ Тыа хаһаайыстыбатын министиэристибэтин нөҥүө көрүллэр үбүлээһинтэн 2500 туонна оту тиэйиигэ межбюджетнай трансфер көрүллүүтүн ситистибит. Манна хамыыһыйа ыытан улууспут 17 хаһаайыстыбата таспыт отторун ороскуотун сабыыга, 5 хаһаайыстыбабыт оту таһыытыгар толору үбүлээһини ылалларын быһаарылынна. Бу нэдиэлэҕэ Сөбүлэҥ докумуонугар илии баттаһан, дьаһал таһааран, харчыларын тиэрдиини саҕалыахпыт.
- Ону тэҥэ өрөспүүбүлүкэ үрдүнэн тарыып, ыстаапка уларыйан, сылгы төбөтүгэр көрүллэр харчы 3 тыһыынчаттан 5 тыһыынчаҕа диэри улаатан, үүппүт 1 туоннатыгар төлөнөр суумата 50 тыһыынчаттан 60 тыһыынчаҕа диэри үрдээһинэ дьэ быһаарыллан, улууспут хаһаайыстыбаларыгар отбор куонкурсун биллэрдибит. Маны бу күннэргэ улуус анал хамыыһыйата көрүөҕэ.
Мэҥэ Хаҥалас улууһун дьаһалтатын пресс-сулууспата
24163
Рекламный баннер 728x90px center-bottom
Поделитесь новостями с жителями города
Рекламный баннер 200x200px sidebar-right
Рекламный баннер 200x200px sidebar-right
Полезные ресурсы
Разработка -
