УЛУУСПУТ КЭРЭ АҤАРДАРА VIII ӨРӨСПҮҮБҮЛҮКЭТЭЭҔИ СПАРТАКИАДАҔА БОЧУОТТААХ ИККИС МИЭСТЭНИ ЫЛЛЫЛАР

УЛУУСПУТ КЭРЭ АҤАРДАРА VIII ӨРӨСПҮҮБҮЛҮКЭТЭЭҔИ СПАРТАКИАДАҔА БОЧУОТТААХ ИККИС МИЭСТЭНИ ЫЛЛЫЛАР

Балаҕан ыйын 25-27 күннэригэр Дьокуускай куоракка «Якутянки - надежный тыл страны» диэн девизтээх VIII Өрөспүүбүлүкэтээҕи дьахталлар спартакиадалара ыытылынна.

Манна барыта 22 улуустан уонна Дьокуускай куораттан 36-лыы киһилээх хамаандалар ох курдук оҥостон кэлэннэр тоҕус көрүҥүнэн бастыҥы, сымсаны быһаардылар.

Биһиги улууспут сүүмэрдэммит хамаандата волейболга III миэстэ, остуол тиэнниһигэр V миэстэ, буулдьанан ытыыга XV, чэпчэки атлетикаҕа I миэстэ, саахымакка VI, дуобакка VI, хабылык, хаамыска оонньуутугар II миэстэ, ГТО нуорматын толорууга III миэстэ буоланнар уопсай түмүккэ бочуоттаах ИККИС МИЭСТЭҔЭ тахсары ситистилэр

I миэстэ - Дьокуускай куорат,

III миэстэ - Таатта улууһа буоллулар.

Олоххо көхтөөх көрүүлээх, чөл олоҕу өрө тутар, спорду көҕүлүүр кэрэ аҥардарбытыгар үрүҥ көмүс мэтээлгитинэн эҕэрдэлээн туран чэгиэн-чэбдик туругу, үрдүктэн үрдүк ситиһиилэри, этэҥҥэ буолууну баҕарабыт.

Мэҥэ Хаҥалас улууһун дьаһалтатын пресс-сулууспата