УЛУУСПУТ СПОРТСМЕННАРА АРАССЫЫЙА БЭСТИБЭЭЛИГЭР

УЛУУСПУТ СПОРТСМЕННАРА АРАССЫЫЙА БЭСТИБЭЭЛИГЭР

Балаҕан ыйын 22-27 күннэригэр Сочи куоракка доруобуйаларынан хааччахтаах дьоҥҥо XIII-с төгүлүн тэриллэр бүтүн арассыыйатааҕы Култуура уонна спорт бэстибээлэ ыытылынна.



Остуол тиэниһэ, дартс, дуобат, саахымат, парабиатлон, трейл хайысханы булуу, кэлээскэлээх керлинг, бочча курдук спорт көрүҥнэринэн уопсайа 12 хамаанда 70 спортсмен илин кэлин түһүстүлэр.

Манна биһиги улуустан

Валентин Борисов (Бүтэйдээх) – остуол тиэниһигэр I миэстэ, керлиҥҥа II миэстэ, дартска III миэстэ,

Светлана Матвеева (Бөкө) – остуол тиэниһигэр II миэстэ, дуобакка I миэстэ, парабиатлоҥҥа II миэстэ,

Алексей Давыдов (Майа) – остуол тиэниһигэр III миэстэ, парабиатлоҥҥа I миэстэ, дартска III миэстэ,

Любовь Саввина (Бөкө) - дартска I миэстэ,

Людмила Слепцова (Майа) – дартска III миэстэ, остуол тиэниһигэр III миэстэ буоланнар ситиһиилээхтик кыттыыны ыллылар.

Санатан эттэххэ, Валентин Борисов, Светлана Матвеева, Алексей Давыдов бу сайын Амма улууһугар ыытыллыбыт «Дьулуур» өрөспүүбүлүкэтээҕи XIV-c спорт адаптивнай көрүҥнэригэр спартакиадаҕа улууспут аатын чиэстээхтик көмүскээбиттэрэ.

Ону тэҥэ салгыы, алтынньы 2-7 күннэригэр Сочи куоракка ыытылла турар доруобуйаларынан хааччахтаах дьоҥҥо бүтүн Арассыыйатааҕы бэстибээлгэ Саха сирин сүүмэрдэммит хамаандатыгар биһиги улуустан остуол тиэниһигэр Валентин Борисов (хамаанда хапытаана) уонна дартска Евгений Птицын кыттыыны ыла сылдьаллар.

Доруобуйаларынан хааччахтаах дьону көхтөөх олоххо көҕүлүүр, эт-сиин өттүнэн чэбдигирдэр соруктаах быйылгы бэстибээлгэ Арассыыйа 53 регионуттан 400-тэн тахса киһи кыттар.

Спортсменнарбытыгар улууспут, өрөспүүбүлүкэбит аатын чиэстээхтик көмүскээн

дойдугутар кыайыы көтөллөөх кэлэргитин баҕарабыт.

Мэҥэ Хаҥалас улууһун дьаһалтатын пресс-сулууспата