УЛУУСПУТ ТӨРҮТТЭММИТЭ ҮБҮЛҮӨЙДЭЭХ 95 СЫЛЫНАН БЭЛИЭ ТЭРЭЭҺИН

Бүгүн, олунньу 10 күнүгэр, улууспут төрүттэммитэ үбүлүөйдээх 95 сылын көрсө киэҥ хабааннаах тэрээһиннэр ыытылыннылар.

Ол курдук, сарсыардаттан уопсастыбаннас сахалартан бастакы академик Владимир Петрович Ларионов төрөөбүтэ 87 сылынан төрөөбүт дойдутугар 1-кы Тыыллыма нэһилиэгэр итиэннэ кини аатын сүгэр Майа орто оскуолатыгар олорбут олоҕун, оҥорбут үлэтин-хамнаһын ахтан-санаан аастылар. Ону тэҥэ улууспут, өрөспүүбүлүкэбит сайдыытыгар улахан өҥөлөөх салайааччыларбыт Семен Захарович Борисов, Иван Гаврильевич Тимофеев уонна Василий Васильевич Скрябин бүүстэригэр кинилэр үтүө ааттарыгар сүгүрүйэн, үлүскэн үлэлэрин ахтан-санаан туран тыыннаах сибэкки дьөрбөтүн ууран сүгүрүйдүлэр.

Бэлиэ күн Нөөрүктээйи нэһилиэгэр улуус баһылыга Дмитрий Тихонов, нэһилиэк баһылыга Николай Федоров, улуус мунньаҕын дьокутаата Дьулустаан Захаров улууспутун кытта эт саастыылаах ытык киһибитин Анна Петровна Охлопкованы үбүлүөйдээх 95 сааһынан эҕэрдэлээтилэр. Нөөрүктээйи нэһилиэгин, улууспут бочуоттаах олохтооҕо, тыыл, үлэ бэтэрээнэ, сэрии сылларын оҕото Анна Петровна улууспут төрүттэммит күнүгэр Догдоҥо нэһилиэгэр күн сирин көрбүтэ. Оҕо сааһа сэрии сылларыгар ааһан, улахан дьону кытта тэҥҥэ үлэлээн, Улуу Кыайыыны уһансан, сааһын тухары үлэни өрө тутан кэлбит үтүө киһибит буолар.

Күн иккис аҥарыгар Майа сэлиэнньэтигэр Д.Ф. Ходулов аатынан Култуура киинигэр өбүгэлэрбит төрүт дьарыктарын, баай ис хоһоонноох култуурабытын үрдүктүк тутан илдьэ сылдьар "Мэҥэ уус", Мэҥэ тимир уустара, "Мэҥэ сыахай", "Уран Майа" түмсүүлэр быыстапкалары туруордулар. Тарбахтарыгар талааннаах, айылҕаттан айдарыылаах күндү дьоммут үлэлэрэ дьон-сэргэ сөҕүүтүн, биһирэбилин ылла.

Тэрээһин үөрүүлээх чааһа улууспут төрүттэммитэ 95, Арассыыйаҕа Аҕа дойдуну көмүскээччи, өрөспүүбүлүкэҕэ Ийэ дойдуну көмүскээччи сылларыгар, улууспутугар Тыа хаһаайыстыбатын үһүс сылын салҕыыр, итиэннэ улууспутугар доруобуйа харыстабыла төрүттэммитэ 125, киэн туттар национальнай дьоруойбут Баһылай Манчаары төрөөбүтэ 220 сылыгар ананна.

Улуус баһылыга Дмитрий Тихонов, оройуон дьокутааттарын Сэбиэтин бэрэссэдээтэлэ Иннокентий Андросов, Ил Түмэн Судаарыстыбаннай мунньах сир сыһыаннаһыыларыгар, айылҕа баайыгар уонна экологияҕа сис кэмитиэтин бэрэссэдээтэлэ Андрей Находкин, улуус баһылыгын бастакы солбуйааччы Василий Михайлов, тутууга солбуйааччы Василий Филиппов, улуус дьаһалтатын тэрийэр үлэни уонна кадрдары салайар салаатын начаалынньыга Станислав Захаров, улуус кылаабынай бырааһа Иннокентий Павлов ыраахтан-чугастан кэлбит биир дойдулаахтарбытын үөрүүлээх күнүнэн эҕэрдэлээн туран бастыҥ дьоммутугар наҕараадалары туттардылар.

Мэҥэ Хаҥалас улууһа муниципальнай оройуон баһылыгын 2025 сыл тохсунньу ый 31 күнүнээҕи 234 нүөмэрдээх дьаһалынан, Оройуон дьокутааттарын Сэбиэтин 2025 сыл тохсунньу ый 28 күнүнээҕи РРС-13-5 нүөмэрдээх быһаарыытынан, оройуон сайдыытыгар сүҥкэн кылааттарын иһин Мэҥэ Ханалас улууһун Бочуоттаах олохтооҕо Бочуоттаах аат иҥэрилиннэ:

1. Захаров Алексей Прокопьевичка Саха сирин бочуоттаах тутааччытыгар, Саха Өрөспүүбүлүкэтин үтүөлээх тутааччытыгар, Майа сэлиэнньэтэ тыа сирин түөлбэтин бочуоттаах олохтооҕор.

2. Куприянов Юрий Степановичка экономическай наукалар кандидаттарыгар, Саха Өрөспүүбүлүкэтин култууратын бочуоттаах үлэһитигэр, Бүтэйдээх нэһилиэгэ тыа сирин түөлбэтин бочуоттаах олохтооҕор.

3. Морохоев Павел Григорьевичка РСФСР норуотун үөрэҕириитин туйгунугар, Саха Өрөспүүбүлүкэтин үөрэҕириитин үтүөлээх үлэһитигэр, Саха Өрөспүүбүлүкэтин үлэ бэтэрээнигэр, Арассыыйа гидрометео сулууспатын бочуоттаах үлэһитигэр, Саха Өрөспүүбүлүкэтин Гражданскай килбиэн бочуот бэлиэтин хаһаайыныгар, Хаптаҕай нэһилиэгэ тыа сирин түөлбэтин бочуоттаах олохтооҕор.

4. Мохначевскай Руслан Ефимовичка Саха Өрөспүүбүлүкэтин норуотун уус-уран айымньытын сайдыытыгар кылаатын иһин бочуот бэлиэтин хаһаайыныгар, Мэҥэ нэһилиэгэ тыа сирин түөлбэтин бочуоттаах олохтооҕор.

5. Попова Галина Семеновнаҕа - Санаайаҕа - Саха Өрөспүүбүлүкэтин үөрэҕириитин туйгунугар, Саха Өрөспүүбүлүкэтин профессиональнай үөрэҕин туйгунугар, Саха Өрөспүүбүлүкэтин учууталларын учууталларыгар, Саха Өрөспүүбүлүкэтин култууратын туйгунугар, Муома улууһун уонна 1-кы Тыыллыма нэһилиэгэ тыа сирин түөлбэтин бочуоттаах олохтооҕор.

6. Свинобоев Николай Прокопьевичка Мэҥэ Хаҥалас улууһун успуордун уонна ыччат бэлиитикэтин сайдыытыгар кылаатын иһин түөскэ кэтиллэр бэлиэ хаһаайыныгар, Мөҥүрүөн нэһилиэгэ тыа сирин түөлбэтин бочуоттаах олохтооҕор.

7. Сергучева Тамара Алексеевнаҕа - Саха Өрөспүүбүлүкэтин үөрэҕин туйгунугар, Арассыыйа Федерациятын уопсай үөрэхтээһинин бочуоттаах үлэһитигэр, Саха Өрөспүүбүлүкэтин учууталларын учууталларыгар, 1-кы Баатара нэһилиэгэ тыа сирин түөлбэтин бочуоттаах олохтооҕор.

8. Николаева Людмила Валерьевнаҕа - Саха Өрөспүүбүлүкэтин култууратын туйгунугар, Баатара нэһилиэгэ тыа сирин түөлбэтин бочуоттаах олохтооҕор.

9. Оданец Нина Павловнаҕа үлэ бэтэрээнигэр, 100 сааһынан Саха Өрөспүүбүлүкэтин Үйэ саас бочуот бэлиэтин хаһаайкатыгар, Аллараа Бэстээх бөһүөлэгэ куорат түөлбэтин бочуоттаах олохтооҕор.

10. Цыпандин Павел Ионовичка - Саха Өрөспүүбүлүкэтин Олох-дьаһах хомунаалынай хаһаайыстыбата судаарыстыбаннай унитарнай тэрилтэ Мэҥэ Хаҥаластааҕы салаатын учаастагын маастарыгар, Саха Өрөспүүбүлүкэтин олох-дьаһах хомунаалынай хаһаайыстыба бочуоттаах үлэһитигэр, Саха Өрөспүүбүлүкэтин уу хаһаайыстыбатын туйгунугар, Майа сэлиэнньэтэ тыа сирин түөлбэтин бочуоттаах олохтооҕор.

Мэҥэ Хаҥалас улууһун социальнай-экономическай, үүнэр көлүөнэни үөрэтии уонна иитии, тыа хаһаайыстыбатын, физическэй култуура, успуорт, айылҕа харыстабылын уонна ойуур хаһаайыстыбатын эйгэлэрэ сайдыыларыгар сүҥкэн кылааттарын, өр сыллаах үтүө суобастаах үлэлэрин, ситиһиилээх үлэлэринэн үтүө холобурдарын иһин Мэҥэ Аат Бочуот кинигэтигэр киирдилэр:

1. Баишев Роман Егорович үлэ бэтэрээнэ, Дьабыыл нэһилиэгэ тыа сирин түөлбэтин олохтооҕо.

2. Гаврильева Екатерина Романовна - Саха Өрөспүүбүлүкэтин норуотун хаһаайыстыбатын үтүөлээх үлэһитэ, Хаптаҕай нэһилиэгэ тыа сирин түөлбэтин бочуоттаах олохтооҕо.

3. Иванов Иван Константинович Холгума нэһилиэгэ тыа сирин түөлбэтин бочуоттаах олохтооҕо.

4. Иванов Николай Васильевич тыыл уонна үлэ бэтэрээнэ, Саха сирин тыатын хаһаайыстыбатын бэтэрээнэ, Тараҕай нэһилиэгэ тыа сирин түөлбэтин бочуоттаах олохтооҕо.

5. Кириллин Валерий Власьевич Мэҥэ Хаҥалас улууһун ойуур хаһаайыстыбата Саха Өрөспүүбүлүкэтин судаарыстыбаннай хааһына тэрилтэтин ойуур маастара, 1-кы Наахара нэһилиэгэ тыа сирин түөлбэтин бочуоттаах олохтооҕо.

6. Назаров Михаил Николаевич - Саха Өрөспүүбүлүкэтин үөрэҕириитин туйгуна, Арассыыйа Федерациятын уопсай үөрэхтээһинин бочуоттаах үлэһитэ, Саха Өрөспүүбүлүкэтин учууталларын учууталлара, Нөөрүктээйи нэһилиэгэ тыа сирин түөлбэтин бочуоттаах олохтооҕо.

7. Никитин Николай Никитич - Саха Өрөспүүбүлүкэтин үтүөлээх бырааһа, 2-с Наахара нэһилиэгэ тыа сирин түөлбэтин олохтооҕо.

8. Осипов Иван Егорович - Мэҥэ Хаҥаластааҕы олох-дьаһах хомунаалынай хаһаайыстыбата судаарыыстыбаннай унитарнай тэрилтэ Чүүйэтээҕи учаастак котельнайын маастара.

9. Плотникова Мария Алексеевна тыыл бэтэрээнэ, Саха Өрөспүүбүлүкэтин Ытык кырдьаҕаһа, Төҥүлү нэһилиэгэ тыа сирин түөлбэтин олохтооҕо.

10. Попова Ирина Николаевна РСФСР тыатын хаһаайыстыбатын социальнай күрэҕин туйгуна, Алтан нэһилиэгэ тыа сирин түөлбэтин олохтооҕо.

11. Скрябин Гаврил Степанович - Саха Өрөспүүбүлүкэтин тыатын хаһаайыстыбатын туйгуна, Саха Өрөспүүбүлүкэтин үлэ бэтэрээнэ, Моорук нэһилиэгэ тыа сирин түөлбэтин олохтооҕо.

12. Скрябина Маргарита Ивановна - Саха сирин тыатын хаһаайыстыбатын бэтэрээнэ, Мэҥэ нэһилиэгэ тыа сирин түөлбэтин олохтооҕо.

Саха Өрөспүүбүлүкэтин социальнай экэнэмиичэскэй сайдыытыгар, судаарыстыбаннаһын бөҕөргөтүүгэ өр сыллаах сыралаах үлэтин, норуот олоҕун уйгутун үрдэтиигэ сүҥкэн тус кылаатын иһин Гражданскай килбиэн анал бэлиэнэн наҕараадаланна:

Макаров Илья Валентинович 2012 сылтан 2025 сылга диэри Ороссолуода нэһилиэгэ тыа сирин түөлбэтин үрдүк көрдөрүүлээхтик үлэлээбит баһылыга.

Үөрэтэр-иитэр педагогическай үлэҕэ уһулуччулаах ситиһиилэрин, өр сыллаах үтүө суобастаах үлэтин иһин Саха Өрөспүүбүлүкэтин үөрэҕин үтүөлээх үлэһитэ бочуоттаах аат иҥэрилиннэ:

Антонова Анна Кононовнаҕа Иннокентий Гаврильевич Игнатьев аатынан Хара успуорт лиссиэйин дириэктэри үөрэтэр-иитэр үлэҕэ солбуйааччытыгар, Арассыыйа Федерациятын уопсай үөрэхтээһинин бочуоттаах үлэһитигэр, Саха Өрөспүүбүлүкэтин үөрэҕириитин туйгунугар.

Үрдүк производственнай көрдөрүүлэри ситиһэргэ, үлэ оҥорумтуотун үрдэтиигэ ураты өҥөлөрүн, өр сыллаах үтүө суобастаах үлэтин иһин Саха Өрөспүүбүлүкэтин норуотун хаһаайыстыбатын үтүөлээх үлэһитэ бочуоттаах аат иҥэрилиннэ:

Васильев Алексей Коркиновичка - Арассыыйа Ис дьыалаҕа министиэристибэтин Мэҥэ Хаҥалас оройуонун полицияҕа комендант бөлөҕүн инспекторыгар, Арассыыйа Федерациятын Ис дьыала министиэристибэтин туйгунугар, Ис дьыала министиэристибэтин толору кавалерыгар, Саха Өрөспүүбүлүкэтин Дьарыктаах буолуу сулууспатын туйгунугар.

Култуура уонна ускуустуба эйгэтэ сайдыытыгар улахан өҥөтүн, өр сыллаах үтүө суобастаах үлэтин иһин Саха Өрөспүүбүлүкэтин култууратын үтүөлээх үлэһитэ бочуоттаах аат иҥэрилиннэ:

Гаврильев Иннокентий Михайловичка Лэкиэскэ Саха эстрадатын артыыһыгар, урбаанньыкка, Саха Өрөспүүбүлүкэтин култууратын туйгунугар.

Сүөһүнү, көтөрү иитиини сайыннарыыга уонна олохтоох бородууксуйаны үрдэтиигэ улахан өҥөтүн, өр сыллаах үтүө суобастаах үлэтин иһин Саха Өрөспүүбүлүкэтин үтүөлээх ветеринарнай бырааһа бочуоттаах аат иҥэрилиннэ:

Санников Иннокентий Иннокентьевичка - ветеринарнай-испытательнай лабораториялаах Мэҥэ Хаҥалас улууһун ветеринария салалтатын 1-кы Баатаратааҕы ветеринарнай учаастак сэбиэдиссэйигэр, Саха Өрөспүүбүлүкэтин тыатын хаһаайыстыбатын туйгунугар.

Саха Өрөспүүбүлүкэтин социальнай-экономическай сайдыытыгар, олох-дьаһах хомунаалынай хаһаайыстыбатын эйгэтигэр өҥөлөрүн, өр сыллаах үтүө суобастаах үлэтин иһин Ил Дархан Грамотатынан наҕараадаланна:

Сергучев Владимир Николаевич - Мэҥэ Хаҥаластааҕы олох-дьаһах хомунаалынай хаһаайыстыбата судаарыыстыбаннай унитарнай тэрилтэ Бэдьимэтээҕи учаастагын маастара, Саха Өрөспүүбүлүкэтин тыатын хаһаайыстыбатын туйгуна

Саха Өрөспүүбүлүкэтигэр физическэй култуура уонна успуорт сайдыытыгар кылаатын иһин Ил Дархан Махтал суругунан наҕараадаланна:

Гаврильев Василий Тихонович - Саха Өрөспүүбүлүкэтин физическэй култууратын уонна успуордун бэтэрээнэ, Мэҥэ Хаҥалас улууһун уонна Ходоро нэһилиэгин бочуоттаах олохтооҕо.

Саха Өрөспүүбүлүкэтин социальнай-экономическай сайдыытыгар кылаатын, өр сыллаах үтүө суобастаах үлэтин иһин Саха Өрөспүүбүлүкэтин Ил Түмэн Судаарыстыбаннай Мунньаҕын бочуоттаах грамотатынан наҕараадаланна:

Макарова Мотрена Ивановна Михаил Егоров хааччахтаммыт эппиэтинэстээх тэрилтэ ыанньыксыта.

Саха Өрөспүүбүлүкэтин социальнай-экономическай сайдыытыгар кылааттарын, өр сыллаах үтүө суобастаах үлэлэрин иһин Саха Өрөспүүбүлүкэтин Ил Түмэн Судаарыстыбаннай Мунньаҕын бэрэссэдээтэлин махтала туттарылынна:

1. Жирков Павел Васильевичка - Мэҥэ Хаҥаластааҕы олох-дьаһах хомунаалынай хаһаайыстыбата судаарыыстыбаннай унитарнай тэрилтэ Теплоснаб учаастагын өрөмүөннүүр слесэригэр.

2. Семенов Павел Павловичка Хорообут хааччахтаммыт эппиэтинэстээх тэрилтэ суоппарыгар.

3. Сидорова Екатерина Васильевнаҕа педагогическай үлэ бэтэрээнигэр, Арассыыйа Федерациятын уопсай үөрэхтээһинин бочуоттаах үлэһитигэр, Саха Өрөспүүбүлүкэтин үөрэҕириитин туйгунугар.

Мэҥэ Хаҥалас улууһун Бэйэ эйгэтигэр бастыҥ 2024 сыл түмүгүнэн анал ааттар кыайыылаахтара:

1. Сыл сонун сүүрээнэ анал аат туттарыллар Айар айан култуурунай-сырдатар десаҥҥа, салайааччы Сосина Галия Артемовна, Мэҥэ Хаҥалас улууһун култуура уонна духуобунай сайдыы салалтатын информационнай-методическай киинин салайааччыта. Бу бырайыак 2024 сыл от ыйын 10 күнүттэн үлэтин саҕалаабыта. Ол курдук, айар труппа ыраах сытар 11 нэһилиэги, ону тэҥэ 5 сайылыгы, 2 оттуур биригээдэни кэрийэн ырыанан-тойугунан сэргэхситтэ. Уопсайа 2000-тан тахса көрөөччү иһиттэ, сэргээтэ. Десан үлэлиир бириэмэтигэр саха аатырбыт айылҕаттан айдарыылаах композитора, биир дойдулаахпыт Валерий Власьевич Ноев Мин дууһам ыллыыр ырыатыгар килиип уһуллан, Саха национальнай көрдөрөр-иһитиннэрэр хампаанньа ханаалыгар көстөн элбэх дьон биһирэбилин ылла.

2. Сыл бастыҥ бырайыага - анал аат туттарыллар Мин маҥнайгы хамнаһым пилотнай бырайыакка, салайааччы - урбаанньыт Захарова Евдокия Ивановна. Бу бырайыак Саха Өрөспүүбүлүкэтин Үлэҕэ уонна социальнай сайдыыга министиэристибэтин, Мэҥэ Хаҥалас улууһа муниципальнай оройуон дьаһалтатын, Мэҥэ Хаҥалас улууһун үөрэх уонна социальнай бэлиитикэ салалталарын өйөөһүннэринэн тэриллибитэ. Бырайыакка бэс ыйын 1 күнүттэн 2 сезоҥҥа 14-тэн 18-гар диэри саастаах сүүрбэ оҕо сахалыы тыыннаах сувенирдары оҥорон хамнастаннылар.

3. Сыл бастыҥ саҕалааһына анал аат туттарыллар Аржаков Николай Ивановичка, урбаанньыкка, Саха Өрөспүүбүлүкэтин тимир суол транспорын бочуоттаах үлэһитигэр, Гражданскай килбиэн бэлиэ хаһаайыныгар. Николай Иванович 2024 сылтан Аллараа Бэстээх бөһүөлэгэр ЭкоДом сэндвич-панеллары оҥорор тэрилтэни арыйбыта.

4. Олох-дьаһах хомунаалынай хаһаайыстыбатын эйгэтигэр бастыҥ идэлээх- анал аат туттарыллар Никифоров Егор Егоровичка, Мэҥэ Хаҥаластааҕы олох-дьаһах хомунаалынай хаһаайыстыбата судаарыыстыбаннай унитарнай тэрилтэ аварийнай-диспетчерскэй сулууспатын сүрүн энергетигэр.

5. Гаас сулууспатын эйгэтигэр бастыҥ идэлээх анал аат туттарыллар Данилов Евгений Валерьевичка, Сахатранснефтегаз акционернай уопсастыба гааһы үллэрэр ситимнэр салалтатын 4 разрядтаах слесэригэр.

6. Сибээс эйгэтигэр бастыҥ идэлээх анал аат туттарыллар Иванов Мирослав Мирославовичка, Ростелеком аһаҕас акционернай уопсастыба Майа сэлиэнньэтин Сервиснэй учаастагын универсальнай исписэлииһигэр.

7. Уот ситимин эйгэтигэр бастыҥ идэлээх анал аат туттарыллар Гоголев Семен Семеновичка, Якутскэнерго аһаҕас акционернай уопсастыба Мэҥэ Хаҥалас киин электрическэй ситимнэрин 3-с группа маастарыгар.

2024 сыл түмүгүнэн Бэйэ эйгэтигэр бастыҥ анал ааттар кыайыылаахтара:

1. Номинация Предприниматель года присуждается Шагенян Артушу Ашотовичу, директору ООО Мегинские Автомагистрали, почетному работнику дорожного хозяйства Республики Саха (Якутия).

2. Маассабай успуорду бастыҥ тэрийээччи анал аат туттарыллар Сыдыкбеков Темир Абдыкалыевичка, Т.А. Пинегин аатынан Парус спорт комплексын спортка инструкторыгар.

3. Тыа хаһаайыстыбатын эйгэтигэр бастыҥ үлэһит анал аат туттарыллар Елисеева Саргылана Николаевнаҕа, Тумул тыа хаһаайыстыбатын потребительскай кэпэрэтиибин ыанньыксытыгар, Саха Өрөспүүбүлүкэтин агропромышленнай комплексын бочуоттаах үлэһитигэр, Саха Өрөспүүбүлүкэтин тыатын хаһаайыстыбатын туйгунугар.

4. Тутуу уонна суол-иис хаһаайыстыбатын бастыҥ үлэһитэ анал аат туттарыллар Тастыгин Кирилл Егоровичка, Мегинострой тутуу тэрилтэтин сүрүн инженеригэр.

5. Баһаарынай сулууспа бастыҥ үлэһитэ - анал аат туттарыллар Гоголев Роман Семеновичка, Саха Өрөспүүбүлүкэтин 20 -дээх Государственнай баһаартан сэрэхтээх буолуу отделын 2-с -дээх баһаарынай чаас 3-с караул отделениетын командирыгар.

6. Быраабы көмүскүүр уорганнар бастыҥ үлэһитэ анал аат туттарыллар Антонов Алексей Прокопьевичка, Арассыыйа Ис дьыалаҕа министиэристибэтин Мэҥэ Хаҥалас оройуонун экспертнэй-криминалистическай группатын начаалынньыгар. Алексей Прокопьевич командировкаҕа сылдьарынан сибээстээн наҕарааданы ылар Майатааҕы полиция отделын начальнига, полиция майора Владимир Николаевич Попов.

2024 сыл түмүгүнэн бастыҥ үлэлээх дьоммутугар Бэйэ эйгэтигэр бастыҥ анал ааттар:

1.Идэҕэ бэриниилээх буолуу анал аат туттарыллар Никифоров Анатолий Лукичка, Техкоммунсервис муниципальнай унитарнай тэрилтэ 1-кы кылаастаах суоппарыгар, Саха Өрөспүүбүлүкэтин автомобильнай транспорын бочуоттаах үлэһитигэр. Анатолий Лукич суоппардаабыт ыстааһа 38 сыл.

2. Аҕа сүбэһит анал аат туттарыллар Колесова Елизавета Ивановнаҕа, Төҥүлү нэһилиэгэ тыа сирин түөлбэтин техник-осеменаторыгар уонна тыа хаһаайыстыбатын исписэлииһигэр, Саха Өрөспүүбүлүкэтин тыатын хаһаайыстыбатын туйгунугар, Саха сирин тыатын хаһаайыстыбатын бэтэрээнигэр.

3. Үөрэх салаатын бастыҥ үлэһитэ анал аат туттарыллар Сидорова Мария Петровнаҕа, Иннокентий Гаврильевич Игнатьев аатынан Харатааҕы успуорт лиссиэйин химияҕа уонна географияҕа учууталыгар, Саха Өрөспүүбүлүкэтин үөрэҕириитин туйгунугар, Арассыыйа Федерациятын уопсай үөрэхтээһинин бочуоттаах үлэһитигэр, Саха Өрөспүүбүлүкэтин үтүөлээх учууталыгар.

4. Доруобуйа харыстабылын бастыҥ үлэһитэ анал аат туттарыллар Семенов Павел Егоровичка, Мэҥэ Хаҥалас улууһун киин балыыһатын лучевой диагностика салаатын рентгенолог-бырааһыгар.

5. Култуура уонна ускуустуба бастыҥ үлэһитэ анал аат туттарыллар Ефремова Екатерина Петровнаҕа, Д.Ф. Ходулов аатынан норуот айымньытын дьиэтин дириэктэригэр, Саха Өрөспүүбүлүкэтин култууратын туйгунугар.

6. Бибилэтиэкэ бастыҥ үлэһитэ анал аат туттарыллар Дьячковская Александра Никитичнаҕа, И.М. Сосин аатынан тыа сирин түөлбэлэрин икки ардыларынааҕы бибилэтиэкэ систиэмэтин Араҥас нэһилиэгин филиалын сүрүннүүр бибилэтиэкэригэр, Саха Өрөспүүбүлүкэтин култууратын туйгунугар.

7. Амарах сүрэх анал аат туттарыллар Егоров Анатолий Ивановичка, Майа сэлиэнньэтэ тыа сирин түөлбэтин аҕалар кэмитиэттэрин чилиэнигэр, Абылаҥ улуустааҕы коллекционердар сойуустарын чилиэнигэр. Анатолий Иванович бэйэтин баҕатынан сылын ахсын Майа сэлиэнньэтигэр почта отделениетыттан саҕалаан оҕо поликлиникатыгар тиийэ Майинскай уулусса переходтарын мууһун ыраастыыр. Кини сүүрбэ сыллааҕыта барар-кэлэр сирэ, иитимньитэ суох киһини бэйэтигэр ылан күн бүгүҥҥэ диэри олордор.

Мэҥэ Хаҥалас оройуонун доруобуйа харыстабылын тиһигэр өр сыллаах, үтүө суобастаах үлэлэрин, нэһилиэнньэ доруобуйатын харыстабылыгар сүҥкэн кылааттарын иһин Мэҥэ Хаҥалас улууһун доруобуйа харыстабылын бочуоттаах бэтэрээнэ түөскэ кэтиллэр бэлиэнэн наҕараадаланна:

Дмитриева Лариса Ефремовна - өр сылларга медицинскэй сиэстэрэнэн үлэлээбит Мэҥэ Хаҥалас улууһун киин балыыһатын бэтэрээннэрин сэбиэтин бэрэссэдээтэлэ, Арассыыйа уонна Саха сирин доруобуйаларын харыстабылын туйгуна.

Доруобуйа харыстабылыгар үтүө суобастаах үлэлэрин, сүҥкэн кылааттарын иһин Мэҥэ Хаҥалас киин балыыһатын кылаабынай бырааһын Бочуоттаах грамотатынан наҕараадаланнылар:

1. Свинобоева Татьяна Викторовна инфекционнай отделение сэбиэдиссэйэ, инфекционист-бырааһа.

2. Никифорова Ксана Владимировна оройуоннааҕы суһал көмө старшай биэлсэрэ.

3. Тихонов Павел Дмитриевич Хаптаҕайдааҕы быраас амбулаториятын сэбиэдиссэйэ, терапевт-бырааһа.

Ааспыт сыл түмүгүнэн социальнай-экомическай көрдөрүүлэринэн улууспут нэһилиэктэрин икки ардыларыгар бастыҥ үлэлээх нэһилиэктэринэн ааттаннылар:

I бөлөххө:

1 миэстэ - Төҥүлү нэһилиэгэ

2 миэстэ - Майа сэлиэнньэтэ

3 миэстэ - Нөөрүктээйи нэһилиэгэ

II бөлөххө:

1 миэстэ - Тараҕай нэһилиэгэ

2 миэстэ - Мэҥэ нэһилиэгэ

3 миэстэ - Дьабыыл нэһилиэгэ

III бөлөххө:

1 миэстэ - Ороссолуода нэһилиэгэ

2 миэстэ - Мэлдьэхси нэһилиэгэ

3 миэстэ - Баатара нэһилиэгэ

Наҕараадаламмыт, бэлиэтэммит дьоммутун өссө төгүл итиитик-истиҥник эҕэрдэлиибит. Инникитин даҕаны үгүс ситиһиилэри, үлэҕит-үөрэххит таһаарыылаах буоллун, төрөөбүт дойдубут сайдарын, чэчирии үүнэрин туһугар түмсүүлээхтик үлэлиэҕиҥ-хамсыаҕыҥ, айыаҕыҥ-тутуоҕуҥ.

Мэҥэ Хаҥалас улууһун дьаһалтатын пресс-сулууспата