УЛУУСПУТ ТУЙГУН ҮӨРЭНЭЭЧЧИЛЭРИН ЧИЭСТЭЭҺИН ТҮҺҮЛГЭТЭ

УЛУУСПУТ ТУЙГУН ҮӨРЭНЭЭЧЧИЛЭРИН ЧИЭСТЭЭҺИН ТҮҺҮЛГЭТЭ

Бүгүн, от ыйын 5 күнүгэр, Майа сэлиэнньэтин Д. Ходулов аатынан култуура киинигэр оскуоланы кыһыл көмүс мэтээлинэн бүтэрбит оҕолору чиэстиир дьоһун тэрээһин ыытылынна.



Улуус баһылыга Дмитрий Тихонов алгыс тылларын этэн туран бастыҥ үөрэнээччилэргэ мэтээллэри, төрөппүттэргэ эҕэрдэ суруктары туттарда.

Үөрэх салалтатын начаалынньыга Гаврил Толстяков медалистары үөрэххэ, спортка, наукаҕа үрдүк көрдөрүүлэрин иһин үөрэх салалтатын грамоталарынан наҕараадалаата.

Быйыл улууспутугар оскуоланы бүтэрээччи 383 оҕоттон 23 үөрэнээччи туйгуннук бүтэрдэ:

Н.В. Петров аатынан Дьабыыл орто оскуолатыттан Кристина Петрова,

В.П. Ларионов аатынан Майа орто оскуолатыттан Уйгулаана Индеева, Алина Тастыгина, Виталий Басов, Саина Маркова, Марина Григорьева,

Ф.Г. Охлопков аатынан Майа орто оскуолатыттан Пелагея Лукина, Милена Слепцова, Алексей Брызгалов,

И.Г. Тимофеев аатынан Майа лицейиттан Ариана Ларионова, Любовь Никитина, Георгий Петров, Виолетта Скрыбыкина, Юлия Романова,

В.Н. Оконешников аатынан Павловскай орто оскуолатыттан Аиза Брызгалова,

Р.А. Бурнашев аатынан Табаҕа орто оскуолатыттан Ангелина Елисеева, Юлия Бурнашева, Майиза Романова,

Т.Г. Десяткин аатынан Тумул орто оскуолатыттан Карина Эверстова,

Кеша Алексеев аатынан Хаптаҕай орто оскуолатыттан Алена Афанасьева, Анастасия Афанасьева, Карина Васильева,

И.Г. Игнатьев аатынан Хара орто оскуолатыттан Елизавета Маркова.

Улууспут үрдүнэн биир кэлим эксээмэҥҥэ үрдүк таһымы көрдөрдүлэр:

97 баалы нуучча тылыгар ылбыт Майа лицейин үөрэнээччитэ Юлия Романова,

90 баалы химия5а ылбыт В.П. Ларионов аатынан Майа оскуолатын үөрэнээччитэ Саина Маркова,

84 баалы географияҕа уонна 86 баалы биологияҕа ылбыт В.П. Ларионов аатынан Майа оскуолатын үөрэнээччитэ Уйгулаана Индеева,

83 баалы обществознаниеҕа ылбыт Ф.Г. Охлопков аатынан Майа оскуолатын үөрэнээччитэ Милена Слепцова,

82 баалы литератураҕа ылбыт В.П. Ларионов аатынан Майа уонна Р.А. Бурнашев аатынан Табаҕа оскуолаларын үөрэнээччилэ Дана Расторгуева уонна Майиза Романова,

80 баалы информатикаҕа ылбыт И.Г. Тимофеев аатынан Майа лицейин үөрэнээччилэрэ Иван Кузьмин уонна Вова Филиппов.

Тэрээһини Василий Кузьмин - Invent уонна Кеша Лебедев - Амикан иһирэх ырыаларынан киэркэттилэр.

Учууталлар ааттарыттан

В.П. Ларионов аатынан Майа орто оскуолатын история уонна обществознание учуутала Михаил Самсонов алгыс тылларын эттэ.

Майа лицейын выпускнига Георгий Петров үөрэнээччилэр ааттарыттан үгүс билиини иҥэрбит, үрдүккэ, сырдыкка сирдээбит учууталларыгар уонна оскуола кэлэктиибин бары үлэһиттэригэр махтанна.

Күндү выпусниктарбытыгар үүнүү-сайдыы бастакы таһымын ситиһиилээхтик дабайан, ситии-хотуу туоһутун тутан олох киэҥ аартыгар үктэммиккитинэн эҕэрдэлиибит.

Инникитин да бу курдук чаҕылхайдык, үрдүк көрдөрүүлээхтик олох бары хайысхаларынан үүнэн-сайдан иһэргитигэр баҕарабыт!

 

Мэҥэ Хаҥалас улууһун дьаһалтатын пресс-сулууспата