УЛУУСПУТ ХАМААНДАТА ӨРӨСПҮҮБҮЛҮКЭТЭЭҔИ ХАБЫЛЫК, ХААМЫСКА ЧӨМПҮЙЭНЭЭТИГЭР КЫАЙЫЫЛААҔЫНАН ААТТАННА

УЛУУСПУТ ХАМААНДАТА ӨРӨСПҮҮБҮЛҮКЭТЭЭҔИ ХАБЫЛЫК, ХААМЫСКА ЧӨМПҮЙЭНЭЭТИГЭР КЫАЙЫЫЛААҔЫНАН ААТТАННА

Алтынньы 4-6 күннэригэр Дьокуускай куоракка “Модун” спорт киинигэр биирдиилээн уонна хамаанданан бастыыр иһин өбүгэ остуолун оонньуутугар хабылык уонна хаамыска көрүҥнэригэр өрөспүүбүлүкэтээҕи чөмпүйэнээт ыытылынна.

Быйылгы күрэх СӨ физическай култуураҕа уонна спортка үтүөлээх үлэһитэ, чэпчэки атлетикаҕа уонна национальнай ыстаныыга Саха АССР хас да төгүллээх рекордсмена уонна чөмпүйүөнэ, остуол национальнай оонньууларын көҕүлээччитэ Андрей Иванович Донской 95 сааһыгар ананна.

Манна барыта 16 хамаандаттан 84 кыттааччы, олор истэригэр 20 спорт маастара үс күн устата күрэс былдьастылар.

Улууспут хамаандата биирдиилээн бастыыр иһин күрэх түмүгүнэн:

Кэрэ аҥардарга

2 бөлөххө:

Вилена Прудецкая-III м

3 бөлөххө:

Оксана Рожина-I м

4 бөлөххө:

Агафья Баишева-II м.

Эр дьоҥҥо

1 бөлөххө:

Николай Васильев-II м

2 бөлөххө:

Владислав Попов-I м

Анатолий Иванов-III м

4 бөлөххө:

Павел Филиппов-III м

Күрэх түмүгүнэн улууспут хамаандата уопсай түмүккэ МУҤУТУУР КЫАЙЫЫЛААҔЫНАН ааттанна

II миэстэ-Дьокуускай куорат, III миэстэ-Үөһээ Бүлүү улууһа буоллулар.

Сымса туттуулаах-хаптыылаах, кыраҕы харахтаах улууспут хамаандатын кыайыыгытынан эҕэрдэлээн туран инникитин даҕаны үрдүк чыпчааллары, чэгиэн-чэбдик туругу, этэҥҥэ буолууну баҕарабыт.

Мэҥэ Хаҥалас улууһун дьаһалтатын пресс-сулууспата