УЛУУСПУТУГАР ҮЛЭЛИИ КЭЛБИТ БЫРААСТАР САҤА КЫБАРТЫЫРАЛАР КҮЛҮҮСТЭРИН ТУТТУЛАР

УЛУУСПУТУГАР ҮЛЭЛИИ КЭЛБИТ БЫРААСТАР САҤА КЫБАРТЫЫРАЛАР КҮЛҮҮСТЭРИН ТУТТУЛАР

Бүгүн, балаҕан ыйын 6 күнүгэр,

«Эдэр исписэлиистэри дьиэнэн хааччыйыы»барыгарааманан киин балыыһаҕа үлэлии кэлбит быраастарга саҥа кыбартыыралар күлүүстэрин туттардылар.



Улуус баһылыга Дмитрий Тихонов, баһылыгы социальнай уонна имиджевэй бэлиитикэҕэ солбуйааччы Альбина Григорьева, киин балыыһа кылаабынай бырааһа Алексей Павлов, бэтэрээн быраастар үөрүүлээх түгэнинэн эдэр исписэлиистэри көрсөн эҕэрдэлээтилэр.

Бу бырагыраама көмөтүнэн быйыл киин балыыһа кэлэктиибигэр Мария Бурнашева эпидемиолог,

Пелагея Федорова эпидемиолог,

Ольга Куприянова стоматолог,

Георгий Романов стоматолог,

Ирина Васильева онколог быраастар кэллилэр.

Кыбартыыралар Майа сэлиэнньэтигэр олунньуга үлэҕэ киирбит саҥа таас дьиэҕэ бэрилиннилэр.

Улуус баһылыга Дмитрий Тихонов бу үтүө бырагыраама улууспутугар салгыы үлэлиэҕэ диэн иһитиннэрдэ.

Мэҥэ Хаҥалас улууһун дьаһалтатын пресс-сулууспата