УЛУУСПУТУГАР ЫҺЫЫ ҮЛЭТИН ХААМЫЫТА

УЛУУСПУТУГАР ЫҺЫЫ ҮЛЭТИН ХААМЫЫТА

Быйылгы дьылга улууспутугар уопсайа 4890,8 га сиргэ ыһыы үлэтэ ыытыллара былааҥҥа киирбит, ол иһигэр туорахтаах култуураҕа 1409,3 га,

хортуоппуйга 675,9 га,

оҕуруот аһыгар 135,6 га,

сүөһү аһылыгар 2670 га сир анаммыт.

Бэс ыйын 4 күнүн туругунан улууспутугар ыһыы үлэтэ:

• туорахтаах култуура 970,3 га - былаантан 69%,

• оҕуруот аһа 45,6 га - 33%,

• хортуоппуй 453 га - 79%

• сүөһүгэ эбии аһылык 240 га - 28% ыһылынна,

• сэлиэһинэй, нэчимиэн ыһыыта түмүктэннэ,

• эбиэс ыһыыта хаалла.

Сиик сабыытыгар бурдук үүннэрэр хаһаайыстыбалар былааннаммыт 2190 га бааһынаттан 1945 га - 88% саптылар.

Ыһыы иннигэр сири таҥастааһын үлэтэ былааннаммыт 2472 га-ттан 1949 га - 78% сиргэ ыытылынна.

Органическай уоҕурдуу 300 туонна, минеральнай уоҕурдуу 68 туонна ыһылынна.

Ан Александр бааһынай фермерскай хаһаайыстыбата 12 000 кв.м. теплицатын сапта.

Күнү-дьылы кэтээн көрөөччүлэр иһитиннэрэллэринэн быйыл кураан сайын буолара күүтүллэр, онон үүнүүнү страховкалааһыҥҥа «Ингострах» страховой хампаанньаны кытта кэпсэтии бара турар.

«Тумул» ТХПК - 461 га, Аркадий Попов салайааччылаах бааһынай хаһаайыстыба туорахтаах култууратын сирин, Лилия Попова хаһаайыстыбата 30 га хортуоппуй сирин страховкалатар былааннаахтар.

Ыһыы үлэтэ бэс ыйын 20 күнүгэр дылы түмүктэнэрэ былааннанар.

Мэҥэ Хаҥалас улууһун дьаһалтатын пресс-сулууспата