УОЛ БЭРГЭН - СЫМСА, БЫҺЫЙ КҮРЭҔЭ

Улуустааҕы Уол Бэргэн күрэх эргимтэтэ быйыл киэҥ буолла: Чыамайыкыттан, Бэдьимэттэн, Наахараттан, Аллараа Бэстээхтэн, Майаттан, Чүүйэттэн, Хаптаҕайтан, Хорообуттан, Лоомтукаттан, Төхтүртэн тиийэ, уопсайа 13 уол кытынна.

Уһун күн устата ыытыллыбыт тыҥааһыннаах күрэххэ, Мэҥэ ыччатa ким сымсата-быһыйа манна көһүннэ. Ыччаттар 7 көрүҥҥэ күөн көрүстүлэр:

- Үс төгүл үс

- Тутум эргиир

-Мас тардыһыы

- Саха оҕунан ытыы

- Сүүрүү

- Хаптаҕай

- Таас көтөҕүүтэ

Кыайыылаахтар:

. I миэстэ - Дамир Попов, Төхтүр орто оскуолатын 11 кылааһын үөрэнээччитэ. Убаһаҕа туоһу суругу улуус дьаһалтатын аатыттан баһылык Дмитрий Тихонов туттарда.

II миэстэ - Фёдоров Арсен Майатааҕы И.Г. Тимофеев аатынан лицей-оскуола быйылгы выпускнига. 30 000 солк. туоһу суругу улуус үөрэҕириигэ салалтататын аатыттан салайаччы Гаврил Толстяков туттарда.

III миэстэ - Руслан Слепцов, Наахара орто оскуолатын 11 кылааһын үөрэнээччитэ.10.000 солк. туоһу суругу Парус спортивнай комплекс аатыттан салайааччы Дьулустаан Захаров туттарда.

Сэттэ көрүҥҥэ бастаабыт уолаттарга анал бириистэри туруордулар: улуус дьокутааттара Андрей Находкин, Захар Никитин; Майа сэлиэнньэтин баһылыга Алексей Неустроев, Саха НКИХ генеральнай дириэктэрэ Олег Марков, Совхоз имени 50 лет Октября бааһынай хаһаайыстыба салайааччыта Арассыйтааҕа Наука Академиятын генеральнай дириэктэрин солбуйааччы Тихон Скрябин уонна урбаанньыт Анна Яковлева

Баҕарыаҕыҥ эдэр, эрчимнээх, чөл олоҕу өрө тутар бастыҥ ыччаттарбытыгар өссө үрдүк спортивнай ситиһиилэри, бэйэлэрин үтүө холобурдарынан саастыылаахтарын кэрэҕэ, сырдыкка угуйа туралларыгар!

Мэҥэ Хаҥалас улууһун дьаһалтатын пресс-сулууспата