ХАҺААЙЫСТЫБАЛАР САҤА БЕЛАРУС ТЫРААХТАРДАРЫН ТУТТУЛАР

ХАҺААЙЫСТЫБАЛАР САҤА БЕЛАРУС ТЫРААХТАРДАРЫН ТУТТУЛАР

Улууспутугар биллэриллибит үс сыллаах тыа хаһаайыстыбатын сылларыгар ылыныллыбыт былаан чэрчитинэн

бүгүн, ыам ыйын 3 күнүгэр, күннэтэ үлүскэннээх үлэни ыытан төрөөбүт дойдубут, тыабыт сирин сайдыытыгар тирэх буолан дьоһун кылааттарын киллэрэр хаһаайыстыбаларбытыгар Беларус МТЗ тыраахтардар туттарылыннылар.

Тыраахтардар «Кормопроизводство» бырагырааматынан хаһаайыстыба, улуус уонна өрөспүүбүлүкэ өттүттэн үс өрүттээх үбүлээһин чэрчитинэн урбаанньыт Руслан Федотов маҕаһыыныттан ылынылыннылар.

Руслан Еремеевич тыа сирэ, хаһаайыстыбата сайдар суолун өйүүрүн биллэрэн туран төлөбүрү болдьохторунан бысталаан төлүүргэ утары баран үтүө өҥөтүн оҥордо.

Улуус баһылыга Дмитрий Тихонов, оройуон дьокутааттарын Сэбиэтин бэрэссэдээтэлэ Иннокентий Андросов үөрүүлээх быһыыга эҕэрдэ тылы этэн туран хаһаайыстыбалар салайааччыларыгар, саҥа тыраахтардар суоппардарыгар күлүүстэри туттардылар.

Ол курдук,

444 төбө ынах сүөһүнү көрөр, 140 гектар иэннээх ыһыыны олордор, 80 гектар иэннээх оттуур ходуһалардаах

Таисия Десяткина бэрэссэдээтэллээх “Тумул” кэпэрэтиипкэ,

256 төбө ынах сүөһүнү көрөр, 100 гектар иэннээх оттуур ходуһалардаах Аркадий Лукин салайааччылаах “Чүүйэ” тэрилтэҕэ,

280 төбө ынах сүөһүнү көрөр, 45 гектар иэннээх оттуур ходуһалардаах

Петр Шамаев салайааччылаах “М.Егоров” аатынан хааччахтаммыт эппиэтинэстээх тэрилтэҕэ,

81 төбө ынах сүөһүнү көрөр, 10 гектар иэннээх оттуур ходуһалардаах

Петр Петров бэрэссэдээтэллээх “Тарат” кэпэрэтиипкэ,

168 төбө ынах сүөһүнү көрөр, 225 төбө сылгылаах, 35 гектар ыһыы сирдээх, 17 гектар иэннээх оттуур ходуһалардаах Маргарита Скрябина бэрэссэдээтэллээх “Хаххах” кэпэрэтиипкэ,

🔸 176 төбө ынах сүөһүнү көрөр, 105 төбө сылгылаах, 17 гектар иэннээх оттуур ходуһалардаах

Денис Жирков салайааччылаах “Томтор” хааччахтаммыт эппиэтинэстээх тэрилтэҕэ,

🔸 408 төбө ынах сүөһүнү көрөр, 336 төбө сылгылаах, 1133 гектар иэннээх ыһыыны олордор уонна оттуур ходуһалардаах Григорий Плотников салайааччылаах

“Хорообут” хааччахтаммыт эппиэтинэстээх тэрилтэҕэ,

🔸 86 төбө ынах сүөһүнү көрөр, 139 төбө сылгылаах, 220 гектар иэннээх ыһыыны олордор уонна оттуур ходуһалардаах Андрей Холмогоров салайааччылаах бааһынай хаһаайыстыбаҕа,

🔸 104 төбө ынах сүөһүнү көрөр, 109 төбө сылгылаах, 25 гектар иэннээх ыһыыны олордор уонна оттуур ходуһалардаах Аркадий Дмитриев салайааччылаах бааһынай хаһаайыстыбаҕа

сабыс саҥа тыраахтардары туттардылар.

Хороҕор муостааҕы, сылгыны иитэн, үрүҥ илгэни үлүрүтэн, сиргэ үүнээйини ыһан өбүгэлэрбит үтүө үгэстэрин салҕаан үлэлии-хамсыы сылдьар туруу үлэһит дьоммутугар саҥа тиэхиньикэҕит туһалаах, үйэлээх буолан түбүктээх үлэҕит түмүктээх буоллун диэн баҕа санаа бастыҥын аныыбыт!

Мэҥэ Хаҥалас улууһун дьаһалтатын пресс-сулууспата