Хара нэһилиэгин ыччата Павел Филиппов кэргэнинээн Аленалыын сыр оҥорон таһаарар үлэни саҕалаатылар.

Хара нэһилиэгин ыччата Павел Филиппов кэргэнинээн Аленалыын сыр оҥорон таһаарар үлэни саҕалаатылар.

Филипповтар былырыын соҕуруу баран уопуттаах тэрилтэ сыр оҥорор кистэлэҥ ньымаларын билэн, үөрэтэн кэлбиттэр.

Санаабыттарын ситэрэн-хоторон быйыл олоххо киллэрэн, «Семейная сыроварня Филипповых» диэн ааттаан,

Омскай куораттан маастары аҕалан көмөлөһүннэрэн бүгүн бастакы бородууксуйаларын боруобаҕа таһаардылар.

Дегустацияҕа Хара нэһилиэгин баһылыгын Дария Назарованы ыҥыран

«Халлуми», «Осетинскай», «Сулугуни», «Рикотта» түөрт көрүҥ сыры амсаппыттар.

Омскай маастара саха сирин ынахтарын үүтэ чөчөгөй курдук олус сыалаах, састааба ураты үчүгэй, дьиҥнээх диэн бэлиэтээбит.

Сотору кэминэн олохтоох сыроварня үлэтин күүскэ тэнитэн саҕалыа.

Бэйэ оҥорон таһаарар, бэйэлээх бэйэбит дьоммут ынахтарын ыанар үүтүттэн оҥоһуллар сибиэһэй, амтаннаах бородууксуйанан нэһилиэнньэни хааччыйыы – бу саҥа сүүрээн, кэрэхсэбиллээх суол.

Филипповтар дьиэ кэргэҥҥэ саҥа саҕалааһыннарыгар ситиһиилээх, таһаарыылаах үлэни баҕарыаҕыҥ!