ХОТУГУ МНОГОБОРЬЕҔА ЫЧЧАТТАРБЫТ СИТИҺИИЛЭРЭ

ХОТУГУ МНОГОБОРЬЕҔА ЫЧЧАТТАРБЫТ СИТИҺИИЛЭРЭ

Балаҕан ыйын 19-22 күннэригэр Дьокуускай куоракка «Модун» спорт киинигэр «Эр санаа» уордьан кавалерын Андрей Иванов кэриэһигэр хотугу многоборьеҕа өрөспүүбүлүкэтээҕи турнир ыытылынна.



Манна 16 улуустан барыта 96 спортсмен кэлэн биэс көрүҥүнэн илин-кэлиҥ түһүстүлэр.

Улууспут оҕолоро биирдиилэн уонна уопсай түмүккэ:

Арина Семенова

(Бэдьимэ орто оскуолатын 11 кылааһын үөрэнээччитэ)

арканы быраҕыы көрүҥэр II миэстэ

Валерия Романова

(Чыамайыкы орто оскуолатын 10 кылааһын үөрэнээччитэ)

2 килэмиэтиргэ мэһэйдээх сүүрүгэ III миэстэ уонна спортивнай сүгэни ыраах быраҕыы көрүҥэр III миэстэ

Амелия Алексеева (Лоомтукаттан төрүттээх, Хара оскуолатын выпускнига, Дьокуускайдааҕы педагогическай колледж 3 курсун устудьуона)

үстэ куобахтаан ыстаныыга III миэстэ, 2 килэмиэтиргэ мэһэйдээх сүүрүүгэ III миэстэ, спортивнай сүгэни ыраах быраҕыыга I миэстэ, наартаны ойууга II миэстэ буолан уопсай түмүккэ бочуоттаах II миэстэ буолары ситистэ

Ону тэҥэ, күрэхтэһии үөрүүлээх чааһыгар Амелия Алексеева Арассыыйа спордун маастара буоларын туоһулуур дастабырыанньатын уонна түөскэ кэтиллэр бэлиэтин СӨ Физическэй култуураҕа уонна спортка миниистирин бастакы солбуйааччытын Гаврил Мохначевскай илиититтэн тутта

Уолаттарга Айхал Никифоров (Хаптаҕай орто оскуолатын 10 кылааһын үөрэнээччитэ)

арканы быраҕыы көрүҥэр II миэстэ буолла уонна 16-17 саастаах уолаттарга уопсай түмүккэ II миэстэ буолан анал бирииһинэн наҕаараадаланна

Оҕолор аны сэтинньи ыйга ыытыллыахтаах Федерация куубагар бэлэмнэнэллэр.

Спортсменнар, төрөппүттэр уонна тириэньэр Аграфена Яковлева күрэххэ тэриллэн баралларыгар күүс-көмө буолбут «Мэҥэ тутуу» тэрилтэ салайааччытыгар Николай Святославович Докторовка таһаарыылаах үлэни, чэгиэн доруобуйаны, этэҥҥэ буолууну баҕаран туран барҕа махталларын тиэрдэллэр.

Мэҥэ Хаҥалас улууһун дьаһалтатын пресс-сулууспата