Ытыктабыллаах улууспут коллекционердара, биир дойдулаахтарбыт!

Ытыктабыллаах улууспут коллекционердара, биир дойдулаахтарбыт!

Бука барыгытын

муус устар 12 күнүгэр 10:00 чаастан

Аллараа Бэстээх бөһүөлэгин култуура киинигэр

Мэҥэ Хаҥалас улууһун коллекционердарын аһаҕас быыстапка-дьаарбаҥкаларыгар кэлэн кыттыыны ыларгытыгар, көрөргүтүгэр ыҥырабыт.

Бу күн:

биир дойдулаахтарбыт ураты умсулҕаҥҥа ылларан муспут баай коллекцияларын көрдөрүүгэ туруоруохтара,

Космонавтика күнүн чэрчитинэн «Умсулҕан» Уус Алдан улууһун коллекционердарын түмсүүтүн салайааччыта Луковцев С.Н. космос куйаарыгар сыһыаннаах коллекциятын кытта билиһиннэриэҕэ,

Дуобакка аан дойдутааҕы категориялаах арбитр-судьуйа, СӨ физическэй култууратын уонна спордун үтүөлээх үлэһитэ Сыромятников Д.В. – Кэрэһиннээх өр сылларга муспут спортивнай коллекциятын көрдөрүөҕэ,

аһаҕас микрофон, экран ыытыллыаҕа,

өрөспүүбүлүкэ коллекционердарын түмсүүтэ быыстапканы сыаналыаҕа.

Ону тэҥэ, Арассыыйаҕа Дьиэ кэргэн, Саха Өрөспүүбүлүкэтигэр Оҕо саас сылларынан

«Дьиэ кэргэн туттар мала-сала», «Дьиэ кэргэнинээн коллекция», «Оҕо саас маллара», «Саамай бөдөҥ коллекция», «Саамай бытархай коллекция», «Саамай сыаналаах коллекция», «Музей в чемодане», «Төрүччү бэлэҕэ», «Кэрэни кэрэхсээн» анал ааттар туттарыллыахтара.

Сиһилии билсэр нүөмэргит

8 914 823 24 84

Кэлин, көрүҥ, сэргээҥ!

Мэҥэ Хаҥалас улууһун дьаһалтатын пресс-сулууспата